Supë me spinaq

 

 

---

Përbërësit për 4 persona:

300 g spinaq

50 g gjalp

50 g miell

500 ml qumësht

2 vezë

50 g djathë parmixhano i grirë

500 ml lëng supe

Përgatitja:

Ziejmë spinaqin më shumë pak ujë, kujdesemi që të zbutet mirë dhe më pas e kullojmë me anë të një site.

Shkrijmë gjalpin dhe më pas shtojmë miellin dhe qumështin që duhet të jetë i nxehtë. I përziejmë mirë e mirë dhe i lemë në zjarr për rreth 5 minuta, ndërsa vazhdojmë ta përziejmë.

E lemë salcën që të ftohet dhe më pas i shtojmë vezët e rrahura, djathin dhe spinaqin. E përziejmë masën me kujdes dhe më pas e hedhim në lëngun e supës. E lemë të ziejmë për rreth 5 minuta.

Më shumë

Shërohuni duke përdorur mjaltë

 

 

---

Të gjithë kemi dëgjuar për dobitë e shumta të mjalit, i cili është nektar  dhe ëmbëlsi e koncentruar e luleve që është përpunuar nga bletët i kthyer në shurup të pasur. Mjalti ka efekte të menjëhershme, qoftë kur kombinohet me disa ushqime por dhe kur konsumohet direkt. Konsumoni sa më shumë mjalt dhe largoni nga trupi shumë dhimbje:

1-   Konsumimi i rregullt i mjaltit ndihmon në forcimin e memories dhe të sistemit imunitar.

2-   Për të luftuar diarenë mjafton që mjalti të pihet i tretur me ujë të ngrohtë, ndërsa për të luftuar kapsllëkun mjalti pihet i tretur në ujë të ftohtë.

3-   Mjalti pastron gjakun dhe lehtëson qarkullimin e tij në trup

4-   Mjalti është ilaçi më i efektshëm për shërimin e takikardisë (të rahurave të shpeshta të zemrës).

5-   Mjalti ndryshe nga sheqeri, nuk e rëndon organizimin.

6-    Dhimbjet në sy largojini duke e fërkuar syrin me pak mjaltë.

7-   Për anemikët mjalti është një “bombë” gjaku

8-    Për nevrikët mjalti ndihmon për t’u qetësuar

9-   Sigurisht që mjalti ka efekt pozitiv edhe tek fëmijët, i cili ndihmon në rritjen dhe zhvillimin e tyre.

10-  Mjalti ndërpret menjëherë dhimbjet e stomakut

11- Mjalti përdoret edhe për shërimin e plagës, mjafton vetëm që plaga të lyhet me mjaltë dhe shumë shpejt vihet re përmirësimi.

12- Fëmijët që urinojnë në shtrat duhet të hanë sa më shumë mjalt, derisa kjo sëmundje të ndërpritet.

Më shumë

si te kemi një fytyrë pa puçrra ,maska me kripë

 

 

---

Me vetëm pak kripë dhe qumshët  ju “hiqni qafe” puçrat që ju bezdisnin dhe ju “shëmtojnë” paksa.

Në një tas hidhni një lugë kripë (të hollë) dhe shtoni pak qumësht, aq sa të mbulohet kripa, përzieni derisa të tretet mirë kripa, më pas alikojeni në fytyrë, duke shmangur pjesën poshtë syve dhe lëreni vetëm për 10 minuta.

Më pas, fytyrën shpëlaejni me sa më shumë ujë të bollshëm, ku menjëherë do të vihet re ndryshimi, një fytyrë pa puçra, pa njolla dhe më e rinuar, pasi kripa luan rolin e dizinfektimit të fytyrës.

Më shumë

7 Mars, dita e mësuesit

 

 

---

Përkujtohet sot në të gjithë Shqipërinë hapja e Mësonjëtores së Parë Shqipe në Korçë. Kjo ditë njihet në vendin tonë si dita e mësuesit. Nxënës dhe studentë nga i gjithë vendi kujtojnë sot edukatatorët dhe mësuesit e tyre të parë.

Edhe pse kanë kaluar shumë vite që nga dita e parë e hapjes së shkollës së parë shqipe, në Shqipëri shumë  fëmijë vazhdojnë të mos dinë të shkruajnë as emrin e tyre. Një pjesë janë të ngujuar nga gjakmarrja. Shumë të tjerë lypin rrugëve për të siguruar një kafshatë bukë, ndërsa një pjesë tjetër vuajnë akoma mungesën e ambjenteve shkollore për të mësuar ABC-në.

Shkolla e parë Shqipe.

Ishte 7 Mars 1887, kur mësuesi, Pandeli Sotiri bashkë me atdhetarë të tjerë dhanë kontributin e tyre në hapjen e Mësonjëtores Shqipe në Korçë. Kjo ditë shënohët si një ndër arritjet më të mëdha të vendit tonë në atë kohë. Për shkak të pushtimit osman në atë periudhë mësimi i gjuhës shqipe bëhej në mënyrë të fshehtë, nëpër shtëpi që nuk duhej të diktoheshin nga pushtuesit.

Drejtuesit e parë të kësaj shkollë ishin figura të njohura të Rilindjes shqiptare si Pandeli Sotiri, Petro Nini Luarasi, Thoma Avrami, etj. Kontriubuti i këtyre atdhetarëve dhe veprimtarëve dëshmohet nga dëshira e zjarrtë që ata kishin për të mësuar pasardhësit e tyre. Për të shpërndarë dije dhe kulturë e për ta trashëguar këtë në brezat e më vonshëm. Të edukuar me frymën e lartë të patroitizmit këta nxënës do të përhapnin më vonë frytet e ideologjisë shqiptare.

7 Mars 1887, hapja e mësonjëtores së parë shqipe në Korçë

Më shumë

Obama: Rusia të tërheqë trupat nga Ukraina (biseda telefonike OBAMA - PUTIN)

 

---

Presidenti amerikan Barak Oabama kërkoi nga homologu rus Vladimir Putin, gjetjen sa më shpejtë të një zgjidhjeje diplomatike për krizën në Ukrianë.

Dy udhëheqësit patën një bisedë të gjatë telëfonike, gjatë natës, e dyta brenda një jave.

Obama tha se Rusia duhet të tërheqë trupat nga Krimea dhe të ulet në bisedime të drejtpërdrejta me Kievin.

Një ditë më parë, Obama nënshkroi një urdhër ekzekutiv, ku vendosi kufizime për marrjen e vizave për zyrtarët dhe individët e përfshirë në shkeljen e integritetit territorial të Ukrainës, si në Rusi ashtu edhe në Krime.

Në listë nuk u përfshi emri i presidentit rus.

Bashkimi Europian vendosi gjithashtu gjatë Samitit të djeshëm, pezullimin e negociatave tregtare me Rusinë dhe ngrirjen e aseteve pasurore për 18 ish-zyrtarë ukrainas.

Kriza ukrainase ka detyruar shumë udhëheqës perëndimorë të bojkotojnë pjesëmarrjen në lojërat Paralimpike të Soçit.

Në Krime, forcat ukrainase të sigurisë janë vënë në gjendje alarmi pas përplasjeve të ashpra mes mbështetësve të qeverisë së re në Kiev dhe filo-rusëve, gjatë manifestimeve të këtyre të fundit.

Më shumë

E PABESUSHME MENYRA SE SI SULMON NJE JAGUAR KORKODILIN !

Ne videon me posht do te shihni menyren se si nje jaguar sulmon korkodilin ,

e pa besushme !

Nje video qe ka arritur ne mbi 39-milion klikime ,me siguri do te ju pelqej dhe ju.

 

Per me teper ndiqni videon :

Më shumë

Aksidentohet mikrobusi me arsimtarë dy te vdekur

 

 

---

Një mikrobus me arsimtarë që ishte nisur nga Tirana drejt Strugës për të festuar 8 Marsin u aksidentua gjatë paradites në aksin Përrenjas- Qafë Thanë.  Në këtë aksident tragjik kanë humbur jetën 2 prej pasagjerëve, ndërsa flitet për 16 persona të plagosur.

Viktimat e këtij aksidenti tragjik janë Klaudia Nushi  25-vjeç dhe Atile Toska 65-vjeç. Trupat e tyre ndodhen aktualisht në spitalin e Përrenjasit, ku pritet të bëhet edhe eksertiza mjekoligjore.

Nga të dhënat e fundit mësohet  se 8 nga pasagjerët e plagosur janë transportuar në spitalin e Librazhdit, ndërsa katër prej tyre janë nisur drejt Tiranës për të marrë një mjekim më të specializuar.

Shkaqet e këtij aksidenti janë ende të paqarta, por nga hetimet paraprake rezulton se shoferi ka humbur kontrollin e automjetit dhe ka dalë nga rruga duke u përplasur me një shtyllë elektrike.

Më shumë

RUSI - UKRAINE CILAT JAN ARSYET E LUFTES ?

 

                          

                                                           

 

Më shumë

SHBA tashmë në tesion? Kina dhe Rusia mund të shkatërrojnë dollarin

Moska zyrtare paralajmëroi Shtetet e Bashkuara se rezervon të drejtën për të hedhur poshtë dollarin si valutë rezervë. Sergei Glazyev, këshilltar i Kremlinit ka deklaruar se nëse SHBA do të vendosë sanksione për  Rusinë, Moska do të jetë e detyruar të braktisi dollarin si valutë rezervë, si dhe do të refuzojë të paguajë kreditë në bankat e SHBA. Sergei Glazyev, shtoi se nëse Uashingtoni do të ngrijë llogaritë e kompanive dhe individëve në Rusi, Moska do t’i rekomandojë të gjithëve mbajtësve të letrave me vlerë amerikane, shitjen e tyre. Reagimi i Kremlinit vjen pasi Presidenti Barak Obama, duke folur me gazetarët në Shtëpinë e Bardhë,  ka deklaruar se Shtetet e Bashkuara nuk e kanë përjashtuar sanksionin ekonomik kundër Rusisë, në qoftë se ajo shkel më tej sovranitetin e Ukrainës. "Ajo që ne jemi duke treguar për rusët është se në qoftë se ata vazhdojnë në trajektoren e tanishme, ne amerikanët do të jemi të detyruar për të shqyrtuar një seri hapash - ekonomik, diplomatik - që do të izolojnë Rusinë dhe që do të ketë një ndikim negativ në ekonominë dhe statusin e saj si një vend udhëheqës", ka thënë Obama. Tensioni në rritje ka marrë tashmë katër mbledhje emergjente të Këshillit të Sigurimit të Kombeve të Bashkuara.

Më shumë

Putin, me shembullin e Kosovës, shkelmoi serbët

 

 

Gazeta gjermane, “Frankfurter Allgemeine Zeitung” shkruan sot se një deklaratë e presidentit rus, Vladimir Putin ka tronditur serbët derisa ka marrë vetëvendosjen e shqiptarëve të Kosovës si shembull për atë se çfarë ju duhet edhe banorëve të Krimesë në Ukrainë.

Beogradi konsiderohet një aleat i ngushtë i Moskës. Mirëpo tash presidenti rus me një fjali të vetme për shqiptarët e Kosovës i ka tronditur serbët, shkruan “Frankfurter Allgemeine Zeitung” në tekstin me titull, “Putini i shkelmoi serbët”.

Gjatë një interviste të fundit për ngjarjet e këtyre ditëve në Ukrainë, Putin është pyetur si e sheh të ardhmen e Krimesë dhe nëse bashkimi me Rusinë është zgjidhje sipas tij?

Putin u përgjigj se ai mendon se "vetëm qytetarët që jetojnë në një territor të caktuar, mund të vendosin për të ardhmen e tyre".

Putin më pas merr si shembull shqiptarët e Kosovës dhe shton se atyre ju është dhënë e drejta për vetëvendosje, diçka që sipas “njohurive të tij” ka qenë e sanksionuar me dokumente të OKB-së, por që askush nuk e anuloj atë të drejtë.

“Nëse banorët e Krimesë duan të ndjekin shembullin e Kosovës, kjo është në rregull”, ka thënë Putin.

Më shumë

Si ta kuptoj nëse kam rënë me të vërtetë në dashuri?

 

 

Ndonjëherë ndjenja e dashurisë është e pakuptueshme, pavarësisht moshës së individit! Femrat janë ato të cilat ngrenë më shpesh pyetjen: “Si ta kuptoj nëse kam rënë me të vërtetë në dashuri?”. Ndaj ne menduam të sillnim disa këshilla dashurie këtë herë…

Ndjenjat

Nuk është gjithmonë e lehtë të kuptosh nëse ke rënë vërtet apo jo në dashuri! Ndonjëherë zemra dhe mendja nuk “flasin” dhe ju jeni vërtet konfuzë për ndjenjat dhe jetën tuaj. Pra si mund të qartësoheni? Është e mundur të reflektoni te disa emocione dhe te disa reaksione tuajat, që ju duken jo shumë “normale”. Ndoshta nuk mund t’i pranoni ndjenjat tuaja ndaj të tjerëve, por thellë  në zemrën tuaj, duhet t’ia dilni të jeni pak të sinqertë. Ja atëherë disa këshilla për të kuptuar dashurinë.

E ndien mungesën e tij në çdo moment

Të ndiesh mungesën e personit të zemrës është pikërisht fillimi. Pasi keni kaluar orë duke folur në telefon dhe pasi e keni ndërprerë bisedën, menjëherë e pyesni veten se çfarë do të jetë duke bërë në ato momente dhe nëse po ju mendon. Kjo gjë është normale, ashtu siç është normale të dëshirosh të kalosh pothuajse të gjithë kohën me të dhe të organizosh takime, edhe të “çmendura” vetëm për ta parë. Nëse jeni në këtë stad, nuk ka asnjë dyshim: jeni shumë të dashuruar!

Flet gjithnjë për të

Një person i dashuruar ka një defekt shumë të madh, të paktën për atë që në një farë mënyre është i/e detyruar ta dëgjojë, flet gjithmonë për të dashurin e saj (në këtë rast). Çdo justifikim për të është i mirë që të nisë një diskutim: “ai ka bërë këtë, ka bërë atë”, “po sa ka investuar për atë gjë”, “idetë e tij janë më të mirat”. Është një gjë që nuk mund të kuptohet, por personi i dashur bëhet objekt i çdo diskutimi dhe i çdo argumenti.

Mendon për të mirën e tij, përpara të mirës tënde

bujaria është një tjetër faktor. Kur mendohet për të mirën e personit të dashur përpara të mirës vetjake do të thotë ta duash shumë atë. Nuk është e nevojshme të flijoheni, por edhe vetëm duke u përpjekur për të mos lënë pas dore dëshirat e tjetrit, do të thotë shumë. Për shembull: të shkosh ta shohësh kur luan futboll, të zgjedhësh për të parë në kinema filmin e tij të preferuar ose ndoshta të bësh një udhëtim, sepse ai ka dëshiruar gjithmonë të shohë një gjë të caktuar në një vend shumë të preferuar për të.

Gjestet e vogla dhe shumë të rëndësishme të dashurisë

Është e qartë se gjestet e mësipërme nuk janë të vetmet gjeste nëpërmjet të cilave kuptohet nëse ke rënë në dashuri ose jo. Ty duhet të të rrahë zemra fort, të ndiesh “fluturat” në stomak ose ndoshta të ndiesh të dridhurat nga vetëm një shikim i tij për t’u bindur se ke rënë në dashuri.

Çfarë është dashuria?

Dashuria është një emocion i nxitur nga subkoshienca jote për të të bërë ty sa më të afërt me një person tjetër. Supozo se ti po kalon një periudhë të keqe dhe dikush të ndihmon çdo ditë për ta tejkaluar këtë situatë. Në këtë rast subkoshienca jote do të vërë re që kur ti rri me atë person e ndien veten në formë, kështu subkoshienca do të të bëjë ta duash atë person, që të të mbaj sa më afër tij.

Pse e dua?

Ti mund të pyesësh veten: pse nuk e konsiderova si një ndihmë shoqërore, por rashë në dashuri? Përgjigjja është e thjeshtë, sepse i korrespondon kërkesa të tua subkoshiente që ti ke për të dashurin ideal, përndryshe ky person do të jetë thjesht një shok i mirë për ty.

Çfarë është dashuria e vërtetë?

Dashuria e vërtetë është një kombinim i nevojës, kompensimit dhe dashurisë pa kushte. Ti mund ta duash dikë, sepse ke nevojë për të, sepse ndien kompensim për cilësi që nuk i ke vetë, ose sepse thjesht e do pa kushte. Megjithatë, sa më shumë t’i largohesh dy faktorëve të parë (nevojës dhe kompensimit) dhe të shkosh drejt dashurisë pa kushte, aq më e vërtetë është dashuria, ndërsa marrëdhënia është më e shëndetshme dhe më e lumtur. Të gjithë besoj biem dakord se dashuria pa faktorët e parë nuk ekziston, është e pamundur të jetë, por megjithatë mund ta mbajmë të ulur përqindjen që ato zënë në krahasim me dashurinë pa kushte. Kështu mund t’ia kalojmë më bukur dhe të jemi më të lumtur.

Më shumë

Kosova luan takimin e parë

Në stadiumin e stërmbushur "Adem Jashari" të Mitrovicës, 11 të përzgjedhurit e skuadrës së Kosovës, pa asnjë simbol dallues në fanelat e tyre, u përballën me Haitin në takimin e parë ndërkombëtar, që pas marrjes së dritës jeshile nga ana e FIFA-s.
Megjithë rastet e shumta për të shënuar nga ana e skuadrës së drejtuar nga përzgjedhësi Albert Bunjaku, si në pjesën e parë ashtu edhe në pjesën e dytë të takimit, rezultati i ndeshjes u mbyll i bardhë, 0-0.
Por më shumë se sa rezultati, rëndësi në këtë takim kishte simbolika. Kosova luante për herë të parë një takim nën rregulloren e vendosur nga FIFA, pa simbolet shtetërore të saj…të paktën në stol.
Sa i përket shkallëve të stadiumit, ato ishin të mbushura masivisht me flamuj të shtetit të Kosovës, por nuk mungonin as flamujtë kombëtarë
Takimi u zhvillua i qetë, pavarësisht masave të forta të sigurisë të marra nga Policia e Kosovës.Interes për takimin, përvec mediave sportive në Kosovë dhe Shqipëri kanë patur edhe shumë media të tjera ndërkombëtare.
Kosovë-Haiti, pak interes në Tiranë
Ndryshe nga atmosfera në Kosovë, dhe vecanërisht në Mitrovicë ku skuadra e Kosovës zhvilloi ndeshjen e parë ndërkombëtare, në Tiranë interesimi i tifozëve shqiptar ka qenë shumë i pakët.
Lokalet në zonën e ish-Bllokut, të cilat në orët kur luan kombëtarja shqiptare e drejtuar nga De Biazi, janë të mbipopulluara me të rinj, këtë herë ishin pothuajse të boshatisura. Shumë pak persona kanë qenë të fokusuar në ekranet ku transmetohej ndeshja miqësore mes Kosovës dhe Haitit.
Me sa duket shkaqet kryesore të këtij interesimi të pakët të tifozëve të Shqipërisë është orari i papërshtatshëm dhe kundërshtari me të cilën Kosova kishte zgjedhur të nisë aventurën e saj në arenën ndërkombëtare.

Më shumë

Shqipëria fiton miqësoren me Maltën

Dy gola në secilën pjesë i dhanë kombëtares shqiptare fitoren përballë rivalëve të Maltës, të mposhtur 2-0 në miqësoren e zhvilluar në "Niko Dovana", në Durrës.
Një lojë e mirë e futbollistëve tanë, përballë një rivali më të dobët, u konkretizua në pjesën e parë me golin e Migjen Bashës, që realizoi me kokë nga një goditje këndi.
Më pjesën e dytë, në të 52', një supergol i Meha, që realizoi me një goditje të fortë parabël nga 30 metra, siguroi suksesin për djemtë e De Biazit.
Basha dhe Roshi iu afruan në dy raste të tjera golit, duke goditur secili prej tyre shtyllën në pjesën e dytë.
Bie në sy fakti që golat u shënuan prej dy kosovarëve, pikërisht në ditën kur Kosova zhvilloi ndeshjen e saj të parë zyrtare, duke barazuar 0-0 pa gola ndaj Haitit.

Më shumë

Mourinho: Tek Reali bëhej radhë para pasqyrës

 

Trajneri portugez i Chelsea, Jose Mourinho, iu rikthye të shkuarës, ndërsa kritikoi sjelljen e ish-futbollistëve të tij tek Reali i Madridit në një intervistë të publikuar në "Esquire".
"Shumë shpesh, futbollistët e Realit bëheshin radhë përpara pasqyrës përpara ndeshjeve, ndërsa gjyqtari i priste në tunel", deklaroi Mou.
"Më përpara, futbollistët përpiqeshin të fitonin para nëpërmjet karrierës së tyre dhe të arrinin të ishin të pasur në fund të trajektores, por tani ka njerëz që kërkojnë të bëhen të pasur pa firmosur ende kontratën e tyre të parë, parpara se të kenë luajtur një ndeshje zyrtare apo të kenë debutuar në Champions", shtoi portugezi.
I pyetur për atë që duhet të jetë sjellja e një futbollisti profesionist, ish-trajneri i Portos, Interit dhe Realit veçoi emrat e Frank Lampard dhe John Terry. "Po punojmë për të orientuar sa më mirë të jetë e mundur të rinjtë, në mënyrë që të vazhdojnë në shembullin e Lampard apo Terry".

Më shumë

Arratisur nga burgu i Trikallasë ,arrestohet i shumëkërkuari Fatos Sylaj.

 

 

Policia e Shtetit ka vene ne pranga nje te shumekerkuar nga drejtësia e shtetit grek i cili disa muaj me pare ishte arratisur nga burgu i Trikallase se bashku me disa shqiptare te tjerë te denuar per vepra te ndryshme.

Fatos Sylaj, i cilësuar në Greqi si person që paraqet rrezikshmëri të lartë, eshte arrestuar diten e sotme. Ai ishte arratisur nga burgu grek me 22 mars 2013 se bashku me 7 shqiptare te tjere. Sipas  autoriteteve greke, Fatos Sylaj ishte bashkepunetor i Marian Kolës, i cili u vra nga policia greke në përpjekje për të kaluar kufirin pas arratisjes nga burgu dhe akuzohet per dhjetera plaçkitje te armatosura ne zona te ndryshme te Greqise.

Më shumë

Michelle Obama

Nisma e Michelle Obama: Të jetojmë shëndetshëm!

 

---

Të jetojmë shëndetshëm! Kjo është nisma që zonja e parë e Amerikës ka marrë përsipër të realizojë.

Është një fushatë e cila ka për synim reklamimin e ushqimeve të shëndetshme në mënyrë që njerëzit në Amerikë, por pse jo edhe në të gjithë botën t’i kushtojnë rëndësi mënyrës së të ushqyerit, por edhe luftës kundër obezitetit.

Michelle vendosi që ditën e parë të fushatës t’ja kushtonte fëmijëve. Ajo u fotografua në Bui të Merilendit duke bërë ushtrime fizike bashkë me ta.

Ndërkohë që fushata do të vazhdojë për një kohë të gjatë, duket se edhe Presidenti Obama do të jetë duke e mbështetur. Ai bashkë me zëvendësin e tij janë parë duke vrapuar rreth e rrotull Shtëpisë së Bardhë.

Më shumë

Miley puthet sërish me femra

 

 

Duket se për Miley Cyrus asgjë nuk është e pamundur. Ajo sa vjen dhe tregon edhe më shumë botën e saj pa komplese. Pas puthjes në skenë me Katy Perry, ajo ka zgjedhur të bëjë të njëjtën gjë në publik.

Kësaj here ajo ka shkëmbyer një puthje me këngëtaren e muzikës Rap, Brooke Candy.

Kjo e fundit nuk ka nguruar ta postojë atë në llogarinë e saj në Instagram. Tashmë asgjë nuk është e sigurtë nëse Miley është heteroseksuale apo jo?

Më shumë

Vasili qëllohet me vezë para Presidencës

 

Është qëlluar me vezë jashtë ambjenteve të presidencës, pas takimit të zhvilluar me kreun e shtetit, por Nënkryetari i Lëvizjes Socialiste për Integrim Petrit Vasili mohoi ta njihte personin që e sulmoi teksa prononcohej për mediat. Autorii ketij akti është, Mustafa Gjyzeli, 65 vjeç. Ai u ndalua nga punonjësit e gardës e më pas nga një patrullë e policisë. Veprimi i tij është transmetuar live nga pothuajse të gjitha televizionet informative. Një vit më parë ai ka bërë të njëjtin veprim, duke e qëlluar nga makina deputetin, Vasili.

Nga ana tjetër Presidenti i Republikës reagoi menjëherë për këtë incident.

Në një njoftim të posaçëm thuhet se Presidenti i Republikës dënon incidentin e ndodhur kundrejt Kryetarit të grupit parlamentar të LSI-së, z. Petrit Vasili pranë Institucionit të Presidencës së Republikës së Shqipërisë.

Nga ana tjeter Presidenti Nishani u kërkon organeve Kompetente të zbardhin sa më shpejt këtë akt të shëmtuar.

Më shumë

Kerry: Izolim për Moskën nëse nuk tërhiqet

 

---

Autoritetet e reja të përkohshme ukrainase kanë marrë një mbështetje të fuqishme, pasi kryeqyteti i vendit është vizituar nga sekretari amerikan i Shtetit, Xhon Kerri. Fillimisht, ai ndaloi në prej barrikadave të ngritura në sheshin qëndror të Kievit, më pas vendosi një tufë me lule në kujtim të viktimave, ndërsa ka biseduar me presidentin dhe kryeministrin e përkohshëm, Torçunov dhe Jacenjuk. Në konferencën e shtypit, sekretari Kerri garantoi një ndihmë imediate prej 1 miliardë dollarësh, ndërsa tha se Shtetet e Bashkuara do t’i ndihmojnë autoritetet ukrainase të sekuestrojnë çdo pasuri të pushtetit të kaluar.

Kerri tha se mbështet aspiratën demokratike të popullit ukrainas dhe konfirmoi qëndrimin amerikan për integritetin territorial të këtij vendi. Nga ana tjetër, ai tha se Shtetet e Bashkuara mbrojnë të drejtat e popullsisë rusishtfolëse, por preteksti i Moskës për të dërguar trupa ushtarake në Krime ishte jashtë çdo llogjike dhe se në çdo rast do të punonte për të një konflikt të armatosur. Në Kiev, kryeministri i përkohshëm Arseni Jacenjuk edhe pse nuk dha detaje, deklaroi se konsultime në nivel ministerial kanë nisur tashmë mes Ukrainës dhe Rusisë.

Megjitahtë, tensioni në Krime është mjaft i lartë. Ndërsa, pamjet pasqyrojne më së miri se ç’po ndodh përreth instalimeve ushtarake në gadishull. Më pare gjatë ditës së sotme, një grup ushtarësh ukrainas – të paarmatosur, marshuan për disa metra në drejtim të postbllokut rus, njëri prej të shumtëve përreth aeroportit të Sevastopolit, Belbek. Rusët qëlluan në ajër disa herë. Për fat, incidenti përfundoi shpejt pas marrëveshjes së oficerëve komandues të të dy palëve.

Një tjetër incident është shënuar paradite në Simferopol, ku një person ka protestuar me një flamur të Krimesë, ku shkuhej se gadishulli është pjesë e Ukrainës. Ndërkaq, të ashtëquajturat grupet-vetëmbrojtëse kanë shtuar kontrollet në dy arteriet rrugore që lidhin gadishullin me pjesën tjetër të vendit. Në këto postblloqe janë dislokuar edhe pjesëtarë të njësisë elitë “Berkut” të shpërndarë ditë më parë nga autoritetet e reja të përkohshme të Kievit. Flota ruse e Detit të Zi ka bllokuar kalimin në ngushticën e Kerçit, duke siguruar kështu të gjithë vijën bregdetare të Krimesë. Paradite, 3 regjmente të forcave ajrore ukrainase në Krime dezertuan dhe iu bashkuan autoriteteve të reja lokale pro-ruse. Ndërsa kreu i ekzekutivit në Simferopol, Sergei Aksenov, u ka bërë edhe një herë thirrje ushtarakëve ukrainas që t’u binden vetëm urdhrave që vijnë prej qeverisë së tij.

Bashkimi Europian po konsideron dhënien e një kredie me terma të buta prej 2 miliardë dollarësh për Ukrainën, që të paguajë gjigandin rus Gazprom për konsumin e ditëve të fundit. Të mërkurën, Unioni do të vendosë për një paketë të plotë ndihme financiare për Kievin, ndërsa komisioneri për Energjinë, Gynter Otinger, tha se tani për tani nuk ka asnjë krizë në furnizimin me gaz. Sipas tij unioni ka rezerva të mjaftueshme për një periudhë afat-shkurtër, por situata mund të përkeqësohet në rast të agravimit të konfliktit mes Ukrainës dhe Rusisë.

Më shumë

Pas Maltës, sfida e kombëtares do të jetë Hungaria

 

 

---

Pas takimit me Maltën kombëtarja Shqiptare do të luajë një tjetër ndeshje miqësore në Qershor.

Federata Shqiptare e Futbollit ka lajmëruar se përfaqësuesja jonë do të ndeshet me Hungarinë më 4 qershor.

Miqësorja do të luhet në fushë kundërshtare Kuqezinjtë janë të grumbulluar në Durrës ku po përgatisin miqësoren me Maltën që do të luhet nesër në stadiumin në ora 18:00 “Niko Dovana”.

Më shumë

Makarona me salmon dhe domate

 

 

---

Përbërësit për 2 persona:

200 g penne (lloj makaroni)

domate të vogla të freskëta ( sipas dëshirës)

2 qepë

2 lugë vaj

180 g fileto merluci

verë të bardhë sipas dëshirës

1 thelbi hudhër

borzilok sipas dëshirës

lëng peshku ose perimesh

Kripë dhe piper.

Përgatitja:

Vendosim në zjarr një tigan, shtojmë vaj dhe hudhrën. E heqim nga zjarri përpara se hudhra të marrë ngjyrë, shtojmë qepën e prerë dhe e trazojmë për pak minuta.

E shuajmë me verën e bardhë dhe e lemë për pak çaste në mënyrë që të avullojë alkooli, shtojmë merlucin të prerë në kuba, domaten e freskët dhe borzilokun. Nëse është e nevojshme i hedhim edhe pak lëng peshku ose perimesh, në mënyrë që masa të ziejë.

Ndërkohë, ziejmë makaronat dhe më pas i shtojmë salcën e përgatitur duke e përzier mirë.

Pjatën e shërbejmë të ngrohtë dhe për zbukurim, lart vendosim 1 gjethe borzilok të frekët.

Më shumë

Lazarati në pritje të Ministrit Tahiri

Në Lazarat tokat po mbillen me farën e hashashit, por ndërkohë banorët po përgatiten edhe për një vizitë të Ministrit të Brendshëm, Sajmir Tahiri. Kryetari i Komunës Dasho Aliko në një intervistë për ABC News tregon se si mund të hiqet dorë nga kultivimi i hashashit në këtë fshat.

Pasi e dëgjuan të flasë me kujdes për fshatin e tyre, lazaratasit po përgatiten ta takojnë Ministrin e Brendshëm, Sajmir Tahiri.

Por lazaratasit kanë kushtet e tyre, për të hequr dorë nga kultivimi i hashashit dhe Aliko hedh poshtë çdo zgjidhje me forcë të kësaj situate.

Sipas tij, komuna llogaritet të afrojë një xhiro vjetore prej 4.5 miliardë eurosh në prodhimin e hashashit dhe kohët e fundit po josh mjaft të papunë në Shqipëri.

Tani është koha kur banorët hedhin farën e bimës narkotike. Kushtet e sigurisë brenda fshatit janë përforcuar, kurse ccdo ditë rekrutohen punëtorë të rinj që dinë të heshtin

Më shumë

Masakër ! I cmenduri me dy pistoleta ne dorë

 

 

Se ku i kish gjetur dy pistoleta një Zot e di, por ajo që dihet me siguri është se 27 vjeçari Altin Piroli, e kishte mbledhur mendjen: Do t’u merrte jetën dy vëllezërve fqinjë që rregullisht e ndihmonin me ushqim, veshje dhe para.
NOA.al publikon ekskluzivisht, dëshminë shokuese të të dyshuarit dhe fakte nga ngjarja dhe e kaluara e tij.
Ditën e sotme, Altini ka dalë nga shtëpia me dy pistoleta në duar. Ai është drejtuar për nga kafja e lagjes.
Në të njëjtin vend ishin duke shkuar edhe dy vëllezërit Gentjan Cara 30 vjeç dhe Andrea Cara 27 vjeç. Por pa e ditur se po sjkonin drejt vdekjes. Në kafenenën ku pak miuta më vonë do të mbuloheshin nga plumba vrastarë të fqinjit të tyre.
Gjithçka ndodhi në orën 08.30 të mëngjesit të sotëm.
Dy vëllezërit ishin ulur në lokal dhe po pinin kafe.
Në këto momente, afrohet Altini, i cili jeton me vëllanë pranë banesës së viktimave.
Familjarët e viktimave i ndihmonin se u vinte keq.
Ka marrë dy pistoleta dhe ka shkuar
Krejt papritur, Altini është futur në lokal, është drejtuar për nga tavolina ku dy vëllezërit po qëndronin dhe ka i qëlluar duke i lënë të vrarë në vend.
Menjëherë më pas, ka dalë nga lokali, por nuk është ndalur. Njësoj si brenda edhe jashtë, si një kauboj vrasës, ka qëlluar prapë, duke hapur zjarr ndaj njerëzve që kalonin.
“Ajo që ndodhi në ato momente ishte e tmerrshme. Brenda dergjeshin dy trupa djemsh të sapovrarë. Kurse jashtë, kur vrasësi doli, njerëzit çuditërisht nuk iu shmangën për t’i shpëtuar plumbave, por iu afruan duke e rrethuar, ndoshta në përpjekje për t’i marrë armët. Në këto momente e sipër, ai plagosi dy kalimtarë”, rrëfejnë për NOA.al burime okulare në vendin e ngjarjes.
Pasi kreu këtë masakër, i dyshuari është ndalur para portës së lokalit dhe ka klithur: “Dua kamerierin ku është, të vijë këtu, më ka marrë 200 kg kokainë”. E me bërtitje të tjera, thoshte: “Njëri më ka 2 milionë euro borxh, një tjetër më ka tre milionë euro, mi kanë borxh, i dua”.
Pak minuta më vonë, i dyshuari është arrestuar dhe u dërgua në drejtorinë rajonale të policisë.
Dëshmia e tij, ishte sa e pabesueshme aq dhe e thënë me bindje prej tij.
“Në njërën dorë kisha librin e shenjtë të myslimanëve dhe në dorën tjetër mbaja Biblën. Mua m ka sjellë Zoti që të ndjek rrugën e perëndisë”, ka thënë i dyshuari Altin Piroli para hetuesve që nisën ta marrin në pyetje.
I dyshuari ka shkuar më herët në Itali ku edhe ka disa të afërm të tij.
Por ai e njeh veten për njeri të rëndësishëm, madje fantazon me bindje se e trajtojnë si të tillë.’
Në Itali mua më njohin mirë se kush jam, e dinë që unë jam Presidenti i Italisë dhe kur lëviz unë, më shoqërojnë me dy motorë policie e më nderojnë”.
E kaluara e Altinit nuk është e panjohur për policinë dhe drejtësinë.
Në vitin 2004 ai ka plagosur djalin e xhaxhait dhe kur e kreu këtë krim, tha se donte të tregonte se ja si bëhet vrasja.
Pas kësaj ngjarjeje, atë e mbyllin në Psikiatri. Në vitin 2006, Altin Piroli doli nga Psikiatria me një vendim për mjekim në kushte shtëpie. Në polici sot u shprehën se ky ka qenë një vendim absurd dhe u ndërmor edhe pse kishte rrezikshmëri të lartë.
Ekzekutohen dy vëllezër në Laç, plagosen dy kalimtarë
Laç, 4 mars 2014, NOA.al- Dy viktima janë shënuar në orët e para të mëngjesit të sotëm në qytetin e Laçit.
Nga të dhënat paraprake mësohet se viktimat janë identifikuar si dy vëllezër, ndërsa dy persona të tjerë kanë mbetur të plagosur.
Mësohet se viktimat janë nga fshati Zhej, ndërsa personi që ka shtënë me armë zjarri dyshohet të jetë Altin Piroli 27 vjeç, i cili mendohet se vuan nga probleme mendore.
Ndërkohë viktimat janë identifikuar si vëllezërit Gentjan Cara 30 vjeç dhe Andrea Cara 27 vjeç, ndërsa të plagosur kanë mbetur dy kalimtarë të rastit njëri 22 dhe tjetri 24 vjeç, të cilët ndodhen në gjendje të rëndë.
Bëhet e ditur se Piroli i ka kryer krimet duke përdorur njëkohësisht dy pistoleta që mbante në duar, ku si pasojë e breshërive të të shtënave iu ka marrë jetën dy vëllezërve Cara dhe ka plagosur dy kalimtarët e rastësishëm.
Ndonëse dyshohet se gjithçka ka ndodhur si pasojë e një sherri për radhën e furgonave, nuk dihen ende detajet e sakta të një ngjarje të tillë, ndërsa forca të shumta policie kanë mbërritur në vendin e ngjarjes, duke vënë në pranga autorin e krimit.
Policia flet për krimin në Laç
Më datë 04.03.2014, rreth orës 08.30, në afërsi të stacionit të furgonave në Laç, Kurbin, janë vrarë me armë zjarri pistoletë shtetasit:
1. Andrea Cara, rreth 27-vjeç, banues në Zhejë, Kurbin.
2. Endri(Gentjan) Cara (Duka), rreth 30-vjeç, banues në Zhejë, Kurbin.
Si dhe janë plagosur dy shtetas N. N , rreth 24-vjeç, banues në Laç, Kurbin dhe T. Gj, rreth 22-vjeç, banues në Laç, Kurbin, persona të rastësishëm në vendngjarje, të cilët u dërguan në Qendrën e Traumave, Tiranë.
Me marrjen e njoftimit për ngjarjen e ndodhur u organizua një operacion i shpejtë i policisë ku u angazhuan forcat e Komisariatit të Policisë Laç dhe shërbimet e specializuara të Drejtorisë së Policisë së Qarkut Lezhë dhe menjëherë u bë e mundur kapja në flagrancë së bashku me armën e krimit, e autorit te dyshuar të kësaj vrasje me armë zjarri shtetasi Altin Piroli, rreth 27-vjeç, banues në Zhejë, Kurbin. Po punohet për sqarimin e rrethanave të mëtejshme të çështjes.

Më shumë

(Binladeni Shqiptar) Zbulohet baza e tritolit

Drejtoria e Policisë së Shkodrës ka realizuar operacionin Gurra dhe ka mundur të gjejë një arsenal të madh lëndësh eksplozive dhe armë e municione në një banesë në fshatin Kurtaj në Gruemirë të Malësisë së Madhe.
Në shtëpinë e shtetasit Tafë Balilaj janë gjetur 240 kallëpe tritoli, 200 metra fitil zjarrpërcjellës, 150 copë kapsolla detonatore, tre armë zjarri automatike model 56, 6 arka me fishekë model 56 si dhe 100 granata dore defensive.
I arrestuari është marrë në pyetje nga ana e policisë e cila ndodhet ende në vendin e ngjarjes. Në deponimin e parë të tij, i arrestuari Tafë Balilaj deklaroi se ekplozivin e mbante për ta shitur.
Policia po verifikon nëse kjo bazë ka shërbyer për të furnizuar me lëndë eksplozive në atentatet e ndodhura së fundmi në disa qytete të vendit.
Shërbimet e policisë po vazhdojnë kontrollet në zonë. Grupi hetimor është në vendin e ngjarjes dhe po kryen veprimet proceduriale.

Më shumë

Rusia teston raketat ndërkontinentale

Ushtria ruse informoi per realizimin e nje testimi me një raketë ndërkontinentale, ndërsa tensioni vazhdon të jetë i lartë në gadishullin e Krimesë, në Ukrainë.
Një raketë "Topol RS-12M" u lëshua nga baza e "Kapustin Yar" pranë Detit Kaspik për në vargmalet "Sary Shagan" në Kazakistan.
Raketa në gjendje për të mbajtur mbushje bërthamore goditi me sukses shënjestrën e saj.
Lajmi për testimin vjen pak orë pasi SHBA kërcënoi Moskën për një "akt agresioni" në Krime.
Rusia është "de facto" në kontrollin e gadishullit, pasi trupa që besohet të jenë ruse ose pro-ruse kanë marrë kontrollin e disa pikave strategjike dhe nyjeve të transportit gjatë ditëve të fundit.
Ndërkohë, Sekretari Amerikan i Shtetit, John Kerry, në një vizitë në Kiev, përgëzoi maturinë e treguar nga qeveria e re ukrainase, që sipas tij nuk ra pre e provokimeve.

Më shumë

NDIQNI BIGBROTHER ALBANIA 7 LIVE

  BB-AL-7 –c2                Kanali 2

Më shumë

Larje hesapesh ekzekutohet Hasan Talja

Ekzekutohet Hasan Talja. Policia: Larje hesapesh të vjetra mes shfrytëzuesve të minierës në Bulqizë

Vëllai i viktimës është arrestuar në vitin 2013, duke transportuar 300 kilogramë dinamit

Policia dyshon se eksplozivi do të përdorej për shpërthimet në zonën D të minierës në Bulqizë

Sokol Çobo

Një tjetër ngjarje kriminale regjistrohet në vend, në këtë valë kriminaliteti që ka mbërthyer gjithë vendin në fillim të këtij viti. Pas ngjarjeve në Durrës, Korçë, Fier etj., radha i vjen edhe kryeqytetit, ku një 42-vjeçar është ekzekutuar në pragun e shtëpisë, në afërsi të Qytetit Studenti. Ngjarja ka ndodhur dje rreth orës 21:00, ku Hasan Talja, 42 vjeç, ka marrë disa plumba nga autorë ende të paidentifikuar. Ai është transportuar menjëherë në Spitalin Ushtarak, ku pas rreth një ore, mjekët pohuan se Talja ndërroi jetë si pasojë e plagëve të marra nga armët e zjarrit. Burime nga Policia e Tiranës thanë mbrëmë, se një nga pistat kryesore të hetimit është edhe larja e hesapeve të vjetra të viktimës me disa bashkëqytetarë. Hasan Talja ishte me origjinë nga Bulqiza, ndërsa kohët e fundit jetonte në Tiranë. Hetuesit kanë dyshime se në vendlindje, Talja ka pasur konflikte të mëdha për shfrytëzimin e kromit me disa persona të tjerë.

Konfliktet për kromin

Megjithëse viktima nuk kishte asnjë precedent kriminal, hetuesit pohojnë se pista kryesore e kësaj ngjarjeje, është larja e hesapeve mes grupeve që shfrytëzojnë kromin në Bulqizë. “Kemi dyshime se Hasan Talja ka pasur konflikte të mëdha në Bulqizë. Kohë më parë, ai ka pasur një biznes për shfrytëzimin e kromit, ndërsa pretendonte edhe shfrytëzimin e një galerie. Por, për të njëjtën galeri, disa persona të tjerë pretendonin shfrytëzimin dhe pas debateve të vazhdueshme, mes grupeve ka filluar edhe konflikti. Ka dyshime se grupet kanë kryer ngjarje kriminale, për të frikësuar njëri-tjetrin. Më pas, ngjarjet janë vlerësuar më të rënda, deri edhe në eliminime fizike të kundërshtarëve”, pohojnë burimet nga Policia e Tiranës. Sipas tyre, hetuesit kanë marrë nga Policia e Bulqizës të gjitha konfliktet e këtyre grupeve, në përpjekje për të mësuar më shumë rreth kundërshtarëve të viktimës së mbrëmshme, të cilët janë të gjithë persona të përfshirë në shfrytëzimin e kromit në Bulqizë. Pas vrasjes, në komisariat janë shoqëruar dhjetëra persona që kanë dijeni për konfliktet apo vrasjen.

I vëllai

Për të përforcuar pistën e konflikteve për shfrytëzimin e kromit në Bulqizë, policia thotë se vëllai i viktimës së mbrëmshme është arrestuar me rreth 300 kilogramë dinamit. Sabah Talja, 37 vjeç, u arrestuar në muajin korrik të vitit 2013 në Bulqizë, me një sasi të konsiderueshme lëndë eksplozive në makinë. Policia ka gjetur në makinën e tij dinamitin, që dyshohet se do të përdorej për shpërthimet në zonën D të minierës së Bulqizës. Talja e transportonte dinamitin pa leje dhe pa fletë shoqërimi, me makinën tip “Benz” me targa të Tiranës 4304 S.

Më shumë

Michael Schumacher jo si më parë

Michael Schumacher “nuk do të jetë Schumacher”, nëse ai do të zgjohet nga koma, ka deklaruar një nga neurokirurgët kryesorë, teksa doktorët thanë të premten se ish-ylli i Formula 1 nuk është më në gjendje “kritike”.
Richard Greenwood, një konsulent neurologjie në spitalin “Homerton” të Londrës, tha se legjenda e garave me makina do të  jetë një “person normal” nëse rikuperohet, si pasojë e traumës së rëndë të pësuar në tru.
Komentet e tij vijnë teksa doktorët zbuluan se kushtet e Schumacher janë përmirësuar disi dhe tashmë ai nuk konsiderohet në gjendje kritike, për herë të parë që pas aksidentit.
Ish-kampioni i Formula 1 gjendet ende në koma të induktuar mjekësore, që prej afro 3 javësh, pasi pësoi dëmtime të konsiderueshme në trurin e tij pas aksidentit me ski, në resortin e Alpeve franceze, “Meribel”.
Schumacher u shtrua në Spitalin Universitar të Grenoble-s më 29 Dhjetor, pas aksidentit.
Doktor Greenwood tha në një konferencë në lidhje me efektet afatgjata të traumës së trurit të tij, se nëse Schumacher rikuperohet, personaliteti i tij do të jetë i një njeriu të zakonshëm (ang. Joe Bloggs).
“Nëse Schumacher mbijeton, ai nuk do të jetë më Schumacher, por Joe Bloggs”, tha Greenwood, i cili punon gjithashtu në Spitalin Kombëtar për Neurologjinë dhe Neurokirurgjinë.
“Rehabilitimi i tij do të jetë efektiv, vetëm nëse ai përshtatet me të qenin një njeri i zakonshëm dhe përmbush gjithçka mund të bëjë një njeri i tillë. Ky është një proces shumë i vështirë, për ta bërë dikë të shikojë përpara, ndaj dhe shumë njerëz nuk ia dalin dot këtij objektivi”.
Më herët gjatë kësaj jave, media gjermane spekuloi se Schumacher mund të mos çohet kurrë nga gjendja aktuale. “Mund të ketë pasur komplikacione”, tha neurokirurgu Andreas Zieger, i Klinikës Universitare për neurokirurgjinë në Oldenburg, për revistën “Focus”.
“Nuk duhet të spekulojmë. Në fund të fundit, jemi duke folur për jetën dhe vdekjen njëkohësisht. Një gjendje kome, teorikisht, mund të ruhet për gjithë jetën, pasi vetëm kështu nuk do të dëmtohej truri njerëzor”.

Më shumë

Mesazhet e dërguara nga Kreshnik Mehmetaj ne celularin e psikologes Rustemi

 

1. TIRANE- Zbardhen mesazhet telefonike që e detyruan psikologen e mirënjohur Jorida Rustemi të kallëzonte në polici se po përndiqej dhe kërcënohej nga një 27- vjeçar.
   Bëhet fjalë për mesazhet e dërguara nga Kreshnik Mehmetaj, nga Vlora, një “i fiksuar” pas psikologes Rustemi, i cili i ka kërkuar asaj me ngulm të kishin një raport së bashku. Përmbajtja e komunikimeve telefonike zbardhet në vendimin e Gjykatës së Tiranës të datës 18 dhjetor 2013, që e shpalli fajtor Kreshnik Mehmetajn për akuzën “shtrëngim ose pengim për të bashkëjetuar ose për të zgjidhur martesë” dhe “përdorim me keqdashje të thirrjeve telefonike”. Ai u dënua me 6 muaj burg, por në të njëjtin vendim gjykata vendosi pezullimin e ekzekutimit të dënimit dhe e la atë të lirë me kusht për një periudhë dyvjeçare. Gjatë kësaj kohe ai duhet të mbajë kontakte me Shërbimin e Provës, si dhe nuk duhet të frekuentojë ambientet pranë banesës apo punës së psikologes Rustemi. Në vijim zbardhet komunikimi mes të dyve, sipas vendimit të gjykatës.
   
2.                                                              Mesazhet
   • “Zyshe, o të hënksha zemrën. M’u bëre ferr.
   Herën tjetër do të të puth në mes të rrugës, se
   ndryshe nuk merr vesh ti. Ahh të vdes unë për ty,
   ishe bërë si 19 vjeçe. Më flisje dhe usa. Vetëm ruhu
   nga akrepat se mos të bezdisin. Më ke gjithmonë
   nga mbrapa se do na hapësh punë, do qëllojmë
   ndonjërin, mos u ekspozo shumë”.

Më shumë

Policia greke ka arrestuar liderin e partisë Agimi i Artë

    
Policia greke ka arrestuar liderin e partisë Agimi i Artë, Nikos Mihaloliakos, me akuzat e formimit të një organizatë kriminale. 
Lajme të ngjashme
Greqi, protesta kundër “Agimit të Artë” pas vrasjes së këngëtarit
Arrestohet zëdhënësi i Vëllazërisë Myslimane
Kreu i “Al Kaedës” bën thirrje për sulme në SHBA
Më të lexuarat e ditës
Rritet numri i amerikanëve që heqin dorë nga pasaporta
Takim historik SHBA-Iran, bisedimet një hap premtues
Raporti i ri, njerëzimi shkaktar i ngrohjes globale
Në një operacion masiv të ndërmarrë herët në mëngjes, nën arrest kanë përfunduar edhe disa anëtarë të tjerë të partisë.

Në pranga kanë  përfunduar, Sekretari i Përgjithshëm Nikos Mihaloliakos, deputeti Ilias Kasidiaris dhe pesë drejtues të tjerë.

Këto arrestime vijnë pas vrasjes së 18 shtatorit, ku anëtarë të partisë Agimi i Artë vranë një këngëtar që këndonte këngë me tekste anti-fashiste.

Ndërkohë ka reaguar “Agimi i Artë”, i cili ka bërë thirrje për protesta masive në mbështetje të udhëheqësit të tyre.

Këto masa vijnë në një kohë kur qeveria greke kishte ndërmarrë një hetim për akte të mundshme kriminale nga partia neonaziste.

Retorika nacionaliste, dhuna ndaj emigrantëve dhe kundërshtimi i qeverisë në një kohë krize, e bëri “Agimin e Artë” forcën e tretë politike në Greqi.

Por pas vrasjes së këngëtarit grek, neonazistët kanë humbur 40 për qind të elektoratit, konfirmojnë sondazhet e fundit.

Greqia ka pasur një presion ndërkombëtar në rritje kohët e fundit, që të reagonte kundër grupimit ekstremist.

Më shumë