Socialistët e Beratit: Deputetët na kanë braktisur

 

 

10 muaj më parë i takonin thuajse përditë. Në fushatë elektorale u dëgjonin hallet e u premtonin zgjidhje. Pas fitores së zgjedhjeve të 23 qershorit janë zhdukur. Ndaj socialistët e Beratit, të indinjuar me sjelljen e deputetëve që Partia Socialiste nxorri në këtë qark, kanë zgjedhur të protestojnë për braktisjen e bazës nga përfaqësuesit e tyre në kuvend.

Socialistët e Beratit shprehin rezerva edhe për emërimet e reja, teksa thonë se këto lëvizje nuk mund të justifikojnë ndryshimin e premtuar.

Kryeministri Rama u ka kërkuar disa herë deputetëve që të mbajnë kontaktet me bazën. Vetë ai, për të mos humbur lidhjen me zgjedhësit e tij, hapi edhe zyrën e deputetit në qytetin e Vlorës.