Botërori, sonte përballja Itali – Angli

Botërori, sonte përballja Itali – Angli

 

---

Në Manaus sot në mesnatë do të nisë aventura e Anglisë dhe Italisë në Kupën e Botës 2014. Një klasike europiane por e rallë në një botëror. Rasti i vetëm ku Anglia dhe Italia janë përballur në një fazë finale botërori ka qenë në vitin 1990. Përfaqësuesja italiane e fitoi 2 – 1 takimin për vendin e tretë në turneun që zhvillohej pikërisht në Gadishullin Apenin. Por trajneri Anglisë, Roy Hodgson sqaron se e njeh mirë kundërshtarin e sotëm.

Roy Hodgson (Trajner i Anglisë)

A kam beim se Anglia mund të fitojë? Jemi këtu për ta aritur diçka të tillë. Prej momentit ku u shortuam në të njëjtin grup kemi studiuar Italinë, dimë karakateristikat e secilit lojtar.

Cesare Prandelli (Trajner i Italisë)

Pritshmëritë janë të shkëlqyera, jemi përgatitur në mënyrë që zbresim në fushë të gatshëm nga ana fizike, por edhe ajo psikologjike.

Te Italia është në rrezik portieri Giggi Buffon, i cili nuk e mbyllo seancën stërvitore për shkak të një dëmtimi. Trajneri Cesare Prandelli nuk ka marrë ende një vendim për të. Megjithëse kushtet e fushës nuk janë optimale të dy ekipet do të përpiqen të dhurojnë spektakël. Sipas shoqërive të basteve italianët kanë një avantazh të lehtë duke u patur me një koefiçent më të ulët.

Në ndeshjen tjetër të Grupit D, Uruguaji do të luajë me Kosta Rikën në Fortaleza. Në fushë për Uruguajin nuk do të jetë shënuesi më i mirë Luiz Suarez, i cili nuk është riaftësuar plotësisht dhe trajneri Oscar Tabarez ka vendosur ta lejë pushim. Favoritë për të fituar është Uruguaji. Do të luajë ndeshjet e para edhe Grupi C. Në ora 18:00 Greqia do të përballet me Kolumbinë, ndërsa në 03:00 pas mesnate është sfida Bregu i Fildishtë – Japoni.