Kievi, ultimatum filo –rusëve në lindje

 

 

Autoritet në Kiev u kanë dhënë 48 orë afat të gjithë personave që mbajnë të pushtuar godinat e administratës lokale në qytetet lindore ukraianse të Donjeckut dhe Luhanskut. Ministri i Brendshëm, Arsen Avakov, tha se ultimatumi ka për qëllim zgjidhjen paqësore të situatës, ndërsa konfirmoi se ndërhyrja me forcë për rrimarrjen nën kontroll të godinave është zgjedhja e fundit për përfundimin e krizës. Ndërkaq, janë liruar të gjithë 56 pengjet që mbaheshin nga filo-rusët në Luhansk, pas disa orë negociatash. Në Donjeck situata vijon të jetë e qetë, ku disa dhjetëra persona janë barrikaduar në brendësi të godinës së administratës rajonale.

Komuniteti ndërkombëtar ka arritur të dakordësojë një takim të drejtpërdrejtë mes Ukrainës dhe Rusisë në nivel ministrash të Jashtë, me pjesëmarrjen edhe të sekretarit amerikan të Shtetit, Xhon Kerri dhe shefes sëpolitikës së Jashtme të BE, Kethrin Eshton. Kriza në Ukrainë po reflektohet edhe në politikën amerikane. Sekretari Kerri u përball me kritika të forta nga republikanët, në Komisionin e Punëve të Jashtme të Senatit, të cilët i konsideruan veprimet e administratës Obama ndaj Rusisë, si të paefektshme.