Një 36-vjeçar është vrarë me armë zjarri

Një 36-vjeçar është vrarë me armë zjarri mbrëmjen e djeshme në zonën e “Ali Demit” në Tiranë.

      Aurel Zenka është qëlluar me tetë plumba pistolete duke gjetur vdekjen e menjëhershme. Ngjarja dyshohet se ka ndodhur pas një sherri të çastit mes autorit dhe viktimës. Forca të shumta policie mbërritën në vendngjarje dhe aktualisht po kryejnë hetimet për zbardhjen e rrethanave. Mësohet se 36-vjeçari është ndjekur nga pas prej autorit, pas sherrit me të dhe u qëllua në një tunel mes pallateve në zonën e “Ali Demit”. Burime nga policia thanë për NOA-n se kanë identifikuar identitetin e autorit të dyshuar i cili ka mundur të largohej. Hetimet po vijojnë për zbardhjen e plotë të kësaj ngjarjeje.