Flying Angel Heart

7.16.2013

Pirateria, gjykata jep dënimin e parë


Pirateria, gjykata jep dënimin e parë

Pas aksionit të Policisë së Shtetit për të bllokuar aparatet “Dreambox” dhe vënë përara ligjit personat që i shpërndanin ato, ka ardhur dhe dënimi i parë nga gjykata e Tiranës.
I akuzuar për veprën penale të “mashtrimit kompjuterik”, gjykata e Tiranës ka dënuar me 6 muaj burg, por duke e lënë atë me kusht, një të ri, i cili në bazë të hetimeve ka rezultuar se ishte njëri prej personave që merrej me shpërndarjen e këtyre aparaturave pirate.
Ky ishte vetëm një nga shumë proceset gjyqësore që gjykata e Tiranës ka nisur për përdoruesit e “Dreambox”, pas denoncimit të bërë pak muaj më parë nga kompnaia “Digitalb”. Nga hetimet e institucionit të akuzës ka rezultuar se aparaturat pirate funskionojnë në këtë mënyrë:
Nëpërmjet përdorimit të sistemit kompjuterik të quajtur “card sharing”, disa persona përdorin në mënyrë të përbashkët një kartë abonimi të rregullt, e cila merret nëpërmjet aparatit “Dreambox”, që dërgon çelësat e kriptuar nëpërmjet sinjalit të internetit në një server të posaçëm.
Ky i fundit, pasi çkodon çelesat e dërgon përsëri sinjalin në “Dreambox”, i cili duke përdorur çelësin hap videon dhe më pas mund të shpërndajë sinjalin në një numër të pakufizuar aparatesh duke përdorur vetëm një “smart card”.

ndahe me miqët

0 σχόλια:

Post a Comment