Selanik, humb jetën një 31-vjeçar shqiptar

 

 

---

Një ngjarje e rëndë ka ndodhur mbrëmjen e djeshme në Selanik të Greqisë. Një 31-vjeçar nga Shqipëria ka humbur jetën si pasojë e një konflikti mes një tjetër personi po nga Shqipëria, për shkaqe ende të panjohura.

Gjatë zënkës njëri prej tyre ka qëlluar me thikë 31-vjeçarin dhe më pas është larguar. Kalimtarët e rastit kanë njoftuar policinë dhe ambulancën të cilët e dërguan të riun menjëherë në spital.

Pavarësisht ndërhyrjes së mjekëve, 31-vjeçari nuk arriti të mbijetonte.

Aktualisht policia po punon për të identifikuar dhe arrestuar autorin e këtij krimi të rëndë.