Flying Angel Heart

6.01.2013

Eksploziv në pallatin e Ardian Kollozit. PD Vlorë: Akt terrorist, me prapavijë të qartë politike

VLORE- Një eksploziv ka shpërthyer në orët e vona të natës në derën e banesës së kryetarit të Partisë Demokratike në Vlorë, njëkohësisht edhe kandidatit të katërt të PD në këtë Qark, Ardian Kollozit.  Raportohet se shpërthimi nga ndodhur rreth orës 03:00 pas mesnate dhe ka qenë një sasi prej 500 gr. Banesa e Kollozit ndodhet në katin e 11-të të një pallati në lagjen “29 Nëntori”

Nuk ka pasur të lënduar nga shpërthimi, vetëm dëme materiale, të cilat mësohet se janë të konsiderueshme.  Partia Demokratike Vlore reagoi menjëherë pas ngjarjes duke e cilësuar një akt të pastër terrorist që vjen në kulmin e fushatës. Duke e cilësuar këtë një ngjarje me prapavijë politike, PD dega Vlorë kërkoi që kundërshtarët politike të distancohen nga shpërthimi.

Në deklaratën e saj PD Vlorë thekson mbarëvajtjen e fushatës elektorale deri ditën e sotme, ku nuk është regjistruar asnjë incident. Më tej theksohet se zbardhja e kësaj ngjarje i takon organeve të drejtësisë.

Policia vijon hetimet, ndërsa mësohet se një numër i konsiderueshëm të dyshuarish janë ndaluar nga policia.

ndahe me miqët

0 σχόλια:

Post a Comment