Flying Angel Heart

6.02.2013

PS paraqet projektin “Teknologjia që ëndërrojmë”

PS paraqet projektin “Teknologjia që ëndërrojmë”

 

“Teknologjia që ëndërrojmë”, është nisma më e re e Partisë Socialiste. Me rastin e 1 qershorit, ditës ndërkombëtare të fëmijëve, deputetët e Partisë Socialiste u dhuruan disa tableta android fëmijëve që janë në klasën e parë. Në fjalën e tyre, deputetët Pandeli Majko dhe Milena Harito, u shprehën se pas 23 qershorit, ky projekt do të shtrihet në të gjithë vendin. “Teknologjia që ëndërrojmë” synon pajisje e të gjithë fëmijëve të klasës së parë me tableta, duke i ndihmuar ata në mësimin e gjuhëve të huaja dhe të lëndëve mësimore.

“Në qoftë se në vitin 1992, Milena do të vinte dhe do më thoshte që ky aparat celulari do të ishte pjesë e pandashme e brezit tim, unë me siguri do të tallesha. Do të thosha: Milena Harito ti nuk je në terezi”. Por, ja që unë sot jam me Milenën në Selitë për një projekt që ngjalli shumë debate kur u shpall në Konventën e Partisë Socialiste ku u prezantua programi. Të gjithë thamë se çfarë është kjo. Në fakt është një projekt ëndrre. Në fakt Milena insistoi dhe sot për fëmijët e Selitës ka sjellë vetëm një copëz të projektit të ëndrrës për një brez tjetër, për brezin e klasës së parë. Sot jemi më 1 qershor dhe mendoj se nuk ka ditë më të bukur se sa Milena Harito të na tregojë që “të ëndërrosh , aq më tepër në Selitë, nuk është e çuditshme, por do të fillojë shumë shpejt, pas datës 23 qershor”.”, tha Pandeli Majko.

Hartuesja e këtij projekti, Milena Harito, shprehet se, “kur fillova të përshkruaja këtë projekt në instancat e PS-së, Pandi ishte nga ata që qeshte. Jam shumë e lumtur që më mbështet në këtë projekt. Kjo nuk është fare një ëndërr. kjo është tashmë një realitet.”

“Është e pamundur sot që Shqipëria dixhitale të bëhet realitet vetëm me disa kompjutera nëpër shkolla, që të gjithë e dimë që ca punojnë dhe ca nuk punojnë. Nëse çdo fëmijë e ka në dorë këtë pajisje, e ka të vetën,  dhe e përdor për veten, për të mësuar dhe jo për të lozur, do të mësojë anglishten, matematikën, fizikën. Nëse fëmijët i kanë në dorë, dinë t’i përdorin vetë, mjafton vetëm që t’ua shpjegosh njëherë dhe aftësohen që nesër ta kenë mjet pune. Në këtë mënyrë Shqipëria dixhitale bëhet realitet”, tha Harito.

ndahe me miqët

0 σχόλια:

Post a Comment